مشاركات من FOND

الأحداث الأسبوعية على الخادم العربي
احتفاليات شهر مارس/آذار
التحديث 24.0 – قوة المستوى الكاملة
[ مـهـم : لـتـجـنـب خـسـارة حـسـابك أو أدواتـك ]

    التعويذات الى الآن لااعتقد يوجد سيرفر قام بصنعها اجهل كيفية الحصول عليها . الاوشحة يتم الحصول عليها عن طريق قتل الزعيم زودياك بالطابق 40 .شي اضافي الصناديق التي تنزل من المعبد البعض لايلقي لها اهتمام لكن هي ادوات لتطوير السلاح الجديد الذي يأتي بمعدل ضرر تابع الرابط التالي في الويكي التشيكي تخيل معي من +8 الى +9 يحتاج الى 200 صندوق من هذه الصناديق
    http://wiki.metin2.cz/index.php/%C4%8Cepel_Zv%C4%9Brokruhu

    مشكور اخى على المعلومة
    سؤال >> معدل الضرر فى الاسلحة لفل 105 >> اعلى نسبة فيه كام ؟
    هيكون زى البدرى والسام >> 60 % ؟
    وكمان كام اعلى معدل مهارة ؟
    > ولا هيكون الحد الاعلى لنسبة اقل من البدرى والسام
    يلا اللى معاه معلومة > ويحب يفيدنا يتفضل مشكور يقولنا

    يمكنك الحصول على التعويذات من معبد زودياك

    شرح طريقة الحصول لو تعرفها >> ( اى طابق > كام اوسمة > اى صندوق تخرج منه >> ) كلنا عارفين انه من المعبد >> عاوزين تفاصيل اخى ابراهيم لو تعرف قولنا
    او نزل فيديو فيه شرح مفصل

    مشكور اخى على المعلومات


    ياريت لو تعرف تجيب لنا كيفية الحصول على التعويذات بشرح كامل >> والاوشحة الجديدة

    شباب اللي معه شرح للمعبد الجديد يرسله لي او يبعت لينك الموضوع لان مو فاهم شئ للحين

    المعبد الجديد عبارة عن 12 زعيم مختلف
    كل زعيم له بوابة لوحده
    كل يوم بفتح بوابتين فقط يعنى كل يوم زعمين
    ويوم الاحد تفتح كل البوابات
    تقريبا كل البوابات بتكون نفس النظام مع اختلف بسيط
    كل بوابة 40 طابق
    كل طابق يحتاج تخلصه فى 10 دقائق
    تقدر تدخل فى مجموعة او تدخل لوحدك بس الافضل مع مجموعة



    لو موت ما بتقدر تصحى نفسك الا بحاجة اسمها منشور الاحياء
    منشور الاحياء له طريقة تحصله بيها
    فى البداية بتجيلك مهمة تبداها من عند الراهب
    اسمها قوة العناصر ( وانصح اى احد اول مرة يدخل المعبد يبدأها )
    بيكون مطلوب فيها قتل وحوش الطابق الاول ( يعنى مجرد ما تدخل اول طلعة لك لحالك او مع مجموعة وتخلصوا الطابق الاول بتكون تمت المهمة )
    ولما تخرج تكلم الراهب بتاخد 200 حبة منشور احياء
    بعد كده كل يوم لك مهمة مع الراهب هى عبارة عن كسر 10 ماتينات وتحصل 20 حبة منشور تقريبا بشكل يومى ( الماتينات بتكون فى الطوابق الاولى السهلة )
    استخدمها
    لو موت انت بتضغط انك تصحى بنفس المكان بجيلك رسالة تطلب منك استخدم المنشور بتوافق بترجع تانى تصحى ودمك فل
    لو احد من المجموعة مات تقدر انت تصحيه بانك تضغط على اسمه فى المجموعة وتسترجع حياته بنفس الطريقة
    معلومة (لو احد مات وما قام بنفسه او احد رجع حياته والطابق خلص وانتقلتوا الى الطابق التالى هيتم طرد اى احد ميت وهينزل )



    النجوم الروحى
    هى اداة الدخول وموجودة فوق على اليسار جنب الخريطة نقطة حمراء
    اعلى عدد ممكن يكون معاك هو 36 حبة
    كل مرة دخول تستهلك 12 حبة يعنى اول مرة لك بالمعبد تقدر تدخل 3 مرات
    طريقة شحنهم كل ساعة بجيلك 1 نجم > يعنى كل 12 ساعة تقدر تدخل مرة > كل يوم مرتين 24 > ده فى حالة كل يوم تستخدمهم بانتظام
    لو ما دخلت يوم هيكملوا النجوم كمان 12 ساعة اخرى وبرجعوا 36 وما بزيدوا عن كده يعنى كل 36 ساعة تدخل 3 مرات
    تقدر عن طريق المتجر تشحن نجومك
    فى لفيفة تعطى 30 نجم وهى قابلة للمتاجرة والناس شحنتهم وتعرضها بالسوق
    وفى رمز مدته 3 ساعاة وقت حقيقى لما تفعله يعطيك تدخل زى ما انت عاوز اكتر من مرة بدون ما ينقص نجومك يعنى تدخل بشكل مفتوج لمدة 3 ساعات


    من الاشياء اللى ممكن تتعرض لها
    الوحوش تنزلك من الدابة لمدة ثوانى وترجع تانى تركبها لحالك
    الوحوش احيانا تعطيك تخدير تجمد مكانك ما تعرف تحرك الح ساب
    الزعماء احيايا تحولك تمثال وتحتاج احد من المجموعة معاك يضربة ضربة بترجع تانى ( لو كل المجموعة اتحولت تماثيل هتخسروا وتنزلوا )
    علشان كده الافضل تطلع مع مجموعة
    المعبد صعب مو سهل يحتاج لفلات 75 وفوق حسب تجربتى يحتاج ناس مفللة دم ومقاومة مهارة وعتاد ومهارات كويسة



    كل طابق بيكون مكتوب فى اعلى الشاشة ايه المطلوب تنفيذه علشان تخلصه
    مثلا
    فى طابق اهزم جميع الوحوش > غالبا بكون سهل
    فى طابق اكسر المتاتينات > مثلا 6 او8 او 4
    هنا فى ملحوظة > فى ماتينات وانت تكسرها يخرج منها زعماء الافضل كل المجموعة تكسر مع بعضها ماتين بماتين
    او واحد يكسر ولما يخرج الزعماء يهرب ويسحبهم والباقين يكملوا كسر ولما بنكسر الماتين بيموت الزعماء اللى خرجت منه
    ( زعماء الماتينات مش هى الزعماء الاساسية الافضل تكسر الماتين بسرعة وتخلص منهم )
    فى طابق يقولك اقتل الزعيم
    وده هيكون لوحده او معاه ماتينات
    الافضل كسر الماتينات الاول لانه لما ما انكسرت هتلقى احيانا ضربك على الزعيم ميس
    ملحوظة ( لو هو زعيم من اللى بحول الاعبين تماثيل لا تدخلوا كلكم عليه خالوا واحد بعيد علشان يجى يفكك )
    فى طابق يقولك اقتل الزعيم بدون التعرض للموت وده ارخم طابق واصعب واحد اعتقد فى الطوابق ال20 الاولى هو ده وغالبا بيكون رقم 5 او 6 تقريبا
    ده بقى لو واحد منكم مات هتخسروا وبيكون معاه ماتينات
    طبعا كسر الماتينات الاول الزعيم الاساسى
    يعطى حواسم عالية
    الماتينات يخرج منها هى كمان زعماء تحتاجوا عمل جماعى منظم علشان تخلصوا الطابق ده
    ملحوظة ( المعبد فى اول 10 طوابق تقريبا يدخلك فيها بشكل عشوائى يعنى مثلا 1 >3 >6>5 >2 كده الطوابق مش بالترتيب انت وحظك اعتقد )
    يعنى تخلص اول طابق تلقى طابق الزعيم بدون التعرض للموت فى وشك على طول ههههههههههه


    خلال انتقالك من طابق لاخر بتحصلوا اوسمة ممكن 6 ممكن 8 ممكن 2 او 1 او 4 حظ وممكن مش كلكم تاخدوا كل مرة
    الاوسمة دى اللى فهمته حتى الان انك بتجمع من كل نوع 50 وتبدلهم صندوق كنز
    او ممكن تسحب 10 او اكتر على الراهب بحولهم لك لدوات تطوير العتاد الجديد


    قتل الزعيماء الاساسيين يعطى اوسمة كمان


    حتى الان ما بعرف منين بالظبط ينزل العتاد الجديد من الكنز ولا فى اخر المعبد الطابق 40


    ياريت احد يشرح النقطة دى من الاعبين ولو انا شرحت حاجة غلط الناس تعدلها ونستفيد


    طبعا يا اخى لا يكون عندك امل كبير بالاعبين اللى جربوا وعرفوا المعلومة الكل ماشى بسياسة >>احتفظ لنفسك بيها >> علشان يكون فى احتكار للعتاد فى السوق



    وانصحك تتابع اليوتيوب فديوهات السيرفر التركى والالمانى
    :)

    كيف بالضبط اريد شرح مفصل
    مع العلم وصلنا لطابق رقم 33

    طيب اخى ممكن تشرح كيف تخطيت طابق ( اقتل الزعيم دون التعرض للموت )
    احيانا ضربنا عليه بيكون ميس غير حواسم غير عادية


    اى احد جرب وعنده معلومات يفيدنا يا شباب
    ويشرح اى طابق خلصه وكان فى فكرة او طريقة معينة وكيف تخطاها


    ده لو فى احد عنده نية يفيد غيره بمعلومة <<

    :thumbup::thumbup:

    ياريت يقولنا جيفو ايه هى التعديلات اللى تمت فى النسخة التصحيحية اليوم ؟


    وكمان عازين محتويات الصناديق الذهبى والفضى والبرونزى ؟
    جوائز المسابقة الجديدة ( بشكل رسمى ) زى كل مرة