صباح أو مساء الخير حسب اللي بيقرأ
طبعا اللي يعرفوني فالمنتدى (تقريباً مفيش حد ) يعرف اني حالياً بالذات متابع في صمت و مابكتبش موضوع او رد غير للشديد القوي وبما اني عضو قديم فالمنتدى
فللأسف دايماً بقارن الوضع الحالي بالعصر الذهبي للمنتدى و تحديداً مثلا أيام مامسو (الله يصبحه و يمسيه بألف خير) أيام ما كان بيدخل يضرب واحدة "مساكم زي وشكم " و لحد انهاردة مش فاهم بس شكله كان فباله يشتم أو اما كان يدخل يقول "موش عاوز اسمع رأي حد" , و دايماً بحن للأيام دي , مش لسبب معين بس أكيد أعضاء نفس حالتي بيحنو للأيام دي و للأعضاء اللي اعتزلو و سابو جوة كل واحد فينا ذكرى جميلة , وللأسف الوضع الحالي للمنتدى وضع مذري و فغاية السوء و بعد ما كانت الادارة بتحتفل بالوصول لمليون مشاركة أصبح حتى عدد الأعضاء اللي بيدخلو المنتدى يتعدو على أصابع الايد
المهم عشان المقدمة طالت (أسف عالإطالة) فكرت فمحاولة لاعادة تنشيط المنتدى اني اعمل مسابقة شاملة معلومات عامة فكل المجالات و اسئلة و ألغاز و كل شيء من هذا القبيل و طبعاً مستويات الاسئلة تختلف و بقدر الامكان هحاول اخلي عم جوجل ملهوش فايدة
طبعا الفكرة دي جاتلي لما شفت موضوعين كان عليهم اقبال كويس أولهم هو المسابقة الثقافية (مسابقة رسمية كان منظمها مامسو) و تاني موضوع كان سلسلة مواضيع نشط عقلك (أسئلة كان منظمها الحاوي الله يصبحه و يمسيه بألف خير هو كمان)
فحبيت قبل ما أبدأ اخد رأي الأعضاء هل الفكرة كويسة و ممكن يكون عليها اقبال , أبدأ التنفيذ فيها ولا بلاش ؟